25-годишник од тетовско Долно Палчиште вчера починал од удар на гром во атарот на планинското село Урвич.
Момчето работело како овчар и дента изглегло да го напасува стадото.
Во телефонски разговор со семејството кажал дека во месноста имало невреме.
Откако не одговорил на следниот повик, друг сточар го пронашол телото на сега починатиот.
Надлежните излегле на местото на трагедијата при што бил направен увид.
Инаку, вчера од удар на гром на плажата Оревче во Охрид четворица се здобија со изгореници, додека деветмина претрпеле шок или проблеми со слухот.
За среќа ниту еден од нив не е хоспитализиран, бидејќи кај сите кои се пријавиле за интервенција во охридската болница не биле констатирани никакви телесни повреди, освен кај лицата кои имале лесни изгореници.
Данијела Билбилоска