Можен ли е избор на носител на раководна функција без партиска определба? Владата подготвува пакет од три закони за кои уверува дека во иднина независна комисија за селекција ќе го утврдува изборот на директори во институциите. Се размислува и за укинување на функцијата вршител на должност затоа што се утврдени низа злоупотреби.
Законите за висока раководна служба, за административни службеници и за вработени во јавен сектор веќе се подготвени и се очекува Владата да даде зелено светло во јуни по што ќе се достават во Собранието. Целта е да се овозможи професионализација на високите раководни кадри и на администрацијата.Политиката има големо влијание при досегашното именување на директорите без да се земат предвид стручноста и компетентноста.Антикорупциската комисија бара итна интервенција.
Големи злоупотреби се прават и кај функцијата вршител на должност која незаконски се продолжува по неколку пати.
Интервјуата со кандидатите ќе ги спроведува Комисија за селекција.
Неизвесно е дали законските измени ќе бидат поддржани од опозицијата затоа што на неколку наврати тие соопштија дека за нив се неприфатливи и бараат дијалог со власта.
Jулијана Пешевска