Шест лица се убиени, а најмалку 26 други ранети кога вооружен маж почна да пука 10 минути по почетокот на парадата по повод Четврти јули во преградието на Чикаго, Хајленд Парк , соопштија властите.
Полицијата на Хајленд Парк, северно предградие на Чикаго, соопшти дека трага по бел млад маж на околу 20 годишна возраст и ги повика луѓето да се останат во своите домови.
Очевидци за американските медиуми изјавиле дека одекнале 20-на истрели само 10 минути по почетокот на парадата.
Помислив дека тоа беше морнарицата која со истрели го поздравува знамето. Но, потоа откако видов дека луѓе бегаат, го кренав син ми и започнав да бегам. Истрчав до една од зградите со продавници и се обидов да го скршам стаклото за да влеземе со син ми внатре, но не можев да го скршам. Кога истрелите престанаа одлучивме дека треба да избегаме. Тој започна да пука пак и ние избегавме позади зградата и го ставив син ми во контејнер, и тој седеше таму со кучето, а јас се вратив да ги побарам останатите од моето семејство. Ги оставив со некој таму, за да се вратам и да го земам телефонот и да ги најдам останатите од семејството, затоа што и тие исто така избегаа. Беше ужасно, изјави еден очевидец за Асошиејтед прес.