Виена е рангирана на прво место на листата на најдобри градови погодни за живеење во светот според годишниот индекс на Економист, јави ДПА.
Во 2018 и 2019 година, австриската престолнина ја имаше истата позиција на рангирањето, но минатата година беше проценето дека квалитетот на животот во европските градови значително опадна поради заклучувањата и другите ограничувања поврзани со Ковид-19.
Од почетокот на оваа година, повеќето од ограничувањата во светот се укинати, а големите градови во Нов Зеланд, Австралија и Кина повторно паднаа на ранг-листата. Според извештајот на Економист, „добро вакцинирани градови“ сега доминираат во Европа и во Канада. По Виена следат Копенхаген, Цирих, Калгари, Ванкувер и Женева. Топ десет листата ја надополнуваат Франкфурт, Торонто, Амстердам, Осака и Мелбурн.
Меѓу важните фактори при составувањето на оценката е стабилноста, што објаснува зошто Москва и Санкт Петербург сега се рангирани на 15 и 13, соодветно. Оваа година Киев не е оценет поради руската инвазија на Украина.
На дното на листата се Дамаск, а потоа Лагос, Триполи, Алжир и Карачи.