Кочанските оризопроизводители и годинава се плашат дека сеидбата ќе почне со задоцнување.
Каналетките над селото Облешево по кои тече вода од системот за наводнување, граден уште во времето на Југославија се испокршени, па и оваа година ќе има загуба на водата, а некој може и да ја злопуотреби.
Во Кочанско деновиве по нивите е раздвижено.
Браните Калиманци и Гратче се полни, водата за сеидбата на оризот ќе се пушти на 24 април.
Од водостопанство Брегалница велат дека каналите се чистат, а во Виничко и дел од искршените каналетки се заменети. Дополнителен проблем е што по чистењето, каналите повторно се затрупуваат со ѓубре.
Во овој регион ќе се наводнуваат околу 5.000 хектари, од 4.000 под ориз.
Но, земјоделците велат дека годинава скапо ќе ги чини производството на храна.
Трошоците само за сеидбата на кочанскиот ориз им се зголемени речиси двојно.
Викторија Јованова