Во Брисел, премиерот Ковачевски продолжува со средбите со високите претставници на ЕУ. Европскиот пат на Македонија и бугарската блокада, се денешните теми. Прв со кој се сретна утринава е претседателот на Европскиот Совет, Шарл Мишел.
ЕУ останува на ставот за отпочнување на пристапните преговори на Македонија со ЕУ без одлагање е заклучокот од оваа средба. Ковачевски реферирал и за започнатиот интензивен дијалог со Бугарија, од кој во наредниот период се очекуваат резултати кои ќе го помогнат изготвувањето на патоказот за спроведување на заеднички прифатените проекти со крајна цел да се деблокира постапката за првата меѓувладина конференција на Македонија со ЕУ.
Инаку, Улогата на Мишел како претседател на Европскиот Совет и директен соговорник на шефовите на држави и влади може да помогне во овој процес. Мишел е исто така сопартиец и близок со францускиот премиер Емануел Макрон. Со Мишел се очекуваат разговори и за регионалните прашања. Ковачевски се сретна и со претседателката на Европската Комисија, Урсула фон дер Лајен.