Советот за безбедност на Обединетите нации вчера во соопштение едногласно повика на „итен прекин на сите форми на насилство“ во Мјанмар, изразувајќи надеж дека претставникот на АСЕАН „ќе дојде во земјата што е можно поскоро“ за да се сретне со сите страни“.
Петнаесет членки на Советот „со нетрпение ја очекуваат неговата посета на Мјанмар што е можно поскоро со цел да се сретне со сите засегнати страни и да посредува во процесот на дијалог и во испораката на хуманитарна помош“, се вели во соопштението.
Текстот подготвен од Велика Британија беше прифатен во вторникот, на денот на првата годишнина од превратот што го изврши хунтата на 1 февруари 2021 година.
Во соопштението се истакнува екстремната загриженост на Советот за „неодамнешното ново насилство во земјата“ и „големиот број раселени лица“.
Советот бара да се гарантира „безбедноста на цивилите“ бидејќи повеќе од 1.500 луѓе беа убиени за време на репресијата на вооружените сили на Мјанмар по државниот удар, според информации на локална невладина организација.