Надлежните од МЗ и од ИЈЗ го зачистија списокот со бројот на активни случаи.
Регистрирани сe 7.170 оздравени пациенти. Тоа значи дека повеќе од третина вчерашни активни случаи се прогласени за оздравени.
Вчера имаше 20.109 активни случаи, а денеска бројот на пациенти заразени со корона изнесува 13.628. Повеќе од половината активни случаи односно над 7 илјади се во Скопје.
Денеска беа регистрирани нови 711 пациенти заразени со корона вирус.
Според ИЈЗ факторот на пренесување Р0, според последните проценки изнесува 1.00 односно еден заразен може да зарази уште еден пациент.
Намалувањето на бројките активни случаи следува откако среде масовниот омикрон бран, здравствените власти одлучија да ги променат роковите за изолација. Сега наместо десет дена, изолацијата на пациенти без симптоми трае 7 дена.
Ова намалување на бројот активни случаи е второ најголемо откако и минатата недела за едно деноноќие беа регистрирани над 7.200 оздравени пациенти.