Поранешната специјална обвинителка Катица Јанева добила затворски викенд за Нова Година. Оваа привилегија ја добила бидејќи според законот на затвореникот му следува викенд доколку одлежал една третина од казната.
Пуштена е од женското одделение во Идризово каде треба да се врати првиот работен ден во годината, откако нејзините адвокати побарале слободен викенд за Јанева од 31 декември во траење од 4 денови.
Поранешната специјална обвинителка го исполнува овој услов затоа што во затворската казна се пресметуваат и деновите кои ги помина во притвор.
Викендот на Јанева ќе ѝ заврши утре и таа се враќа назад во затворот. Поранешната специјална обвинителка беше осудена на 7 години затвор за случајот „Рекет“, пресуда која во моментов е на вонредно преиспитување во највисокиот суд.
