Во дневниот ковид билтен 23 нови жртви на вирусот. Најголем број, односно 11 починати се од Скопје, по три загунеби битки за живот има во Охрид и во Струга, двајца свои сограѓани загубија Велешани, и по еден починат има во Тетово, Куманово, Кичево и Македонски Брод.
Најмладиот меѓу починатите има 40 години. Само двајца починале во домашни услови, останатите во болница.
Во последните 24 часа регистрирани се и 464 нови случаи со Ковид-19. Во Скопје – 225, Куманово – 42, Струмица – 35, Штип – 27, Велес – 24, Охрид – 21, Прилеп – 15, Тетово – 10, Свети Николе – 8, Кичево – 7, Ресен – 6, Кавадарци, Кочани и Кратово – по 5, Гостивар, Битола, Дебар и Виница – по 4, Радовиш и Крива Паланка – по 3, Струга и Неготино – по 2, Гевгелија, Македонски Брод и Дојран – по 1.
Оздравеле 183 пацинети, а во моменто се активни 13.412 случаи.
