На жителите на град Крушево им се препорачува за пиење да користат флаширана вода, додека водата од Градскиот водовод, за приготвување на храна, перење и миење на садови да ја користат само после превривање од минимум 10 минути.
Известувањето до жителите на Крушево го испратија од Јавното претпријатие „Комуна“ , а по добиеното известување од Центарот за јавно здравје Прилеп дека водата за пиење од градскиот водовод во Крушево е бактериолошки неисправна.
Од таму исто така информираат дека при испитување на крајпатните чешми Бензиска пумпа и Св. Петка, земени на 20.07.2026 год. е констатирана бактериолошка неисправност и истите не смеат да се користат како вода за пиење.
Препораките важат се до добивање на 3 (три) последователни исправни примероци од водата.
