Две жени од Куманово, на возраст од 22 и 34 години, се уапсени под сомнение за измама и злоупотреба на лични податоци, соопшти СВР Куманово.
Првоосомничената во периодот од јануари до јули 2026 година, со однапред подготвен план и со намера да прибави противправна имотна корист за себе и за М.В., довела во заблуда 19 лица. Без нивна согласност и овластување, таа ги злоупотребила нивните лични податоци и во нивно име аплицирала за брзи потрошувачки кредити. Против М.В. (34) е поднесена кривична пријава за кривично дело „помагање“ по член 24 од Кривичниот законик.
По одобрување и исплата на кредитите, паричните средства биле подигани од двете осомничени. Според истрагата, тие се стекнале со противправна имотна корист во вкупен износ од 10.820.000 денари.