Иранските воздушни напади досега оштетија или уништија структури во близина на комуникациски и радарски системи на најмалку седум американски воени локации на Блискиот Исток. Анализата на сателитските снимки и проверени видеозаписи покажува оштетувања на опрема за следење на балистички проектили, сателитски антени и на радоми, водоотпорни куполи за заштита на чувствителната комуникациски уреди, пишува „Њујорк тајмс“.
Bahrain: 2 AN/GSC-52B
UAE: 1 AN/TPY-2 TH radar
Jordan: 1 AN/TPY-2 THAAD radar
Kuwait: 8+ satellite communications
Qatar: 1 AN/FPS-132 radar
Saudi Arabia: AN/TPY-2 radarpic.twitter.com/cK281wydq6— Kim Dotcom (@KimDotcom) March 4, 2026
Бахреин
Видеозапис чија автентичност ја потврди „Њујорк тајмс“ покажува дека ирански јуришен дрон викендот погодил радом во седиштето на Петтата флота на американската морнарица во Манама. Базата е главен американски центар за координација на поморските операции на Блискиот Исток. Сателитските снимки покажуваат на локацијата од ден подоцна покажуваат дека е уништен уште најмалку еден радом. Урнатите структури биле SATCOM терминали AN/GSC-52B кои имаат клучна улога во овозможување на комуникации од голем капацитет и речиси во реално време за војската на САД.
Катар
Сателитски снимки од воздушната база Ал Удеид во Катар, направени во неделата, откриваат уништен шатор опкружен со сателитски антени од кои некои се најверојатно оштетени. Ал Удеид е најголема американска воена база на Блискиот Исток во која се сместени илјадници војници на подрачје широко речиси 10 километри. Служи и како регионално седиште на Централната команда на САД.
Кувајт
Сателитски снимки од кампот Арифџан во Кувајт покажуваат дека до неделата наутро се оштетени или уништени најмалку три радоми. Осумдесетина километри североисточно, во воздушната база Али ал Салем, сателитски снимки од неделата покажуваат оштетување или уништување на најмалку шест згради или структури заедно со сателитска комуникациска инфраструктура. Истото подрачје беше гаѓано и подоцна, а снимки од вторникот (3 март) покажуваат дека две дополнителни згради во близина на сателитска опрема се тешко оштетени.
Саудиска Арабија
Корпусот на чувари на исламската револуција објави дека воздухопловната база Принц Султан во Саудиска Арабија била мета на дронови и проектили во неделата (1 март). Сателитски снимки од понеделникот забележаа столб од чад долг околу километар и половина како се издигнува над една од зградите. Друга сателитска снимка од вторникот покажува дека структурата е главно уништена. Зградата се наоѓа во близина на радом, во оградено подрачје на десетина километри источно главната база, што укажува дека Иранците го таргетирале токму комуникацискиот дел од локацијата.
Обединети Арапски Емирати
Сателитски снимки со ниска резолуција од воена инсталација недалеку од Ал Руваис, направени во неделата, покажуваат оштетувања на неколку структури. Се чини дека крај една од погодените згради во минатата година бил сметсен радарски систем AN/TPY-2 кој се користи за откривање и следење на балистички проектили и клученза пресретнување на истите. Од снимките не е јасно дали е оштетен самиот радарски систем.
Метата на напад во воздухопловната база Ал Дафра, повеќе од 150 километри источно, е помалку јасна. Сателитски снимки од неделата покажуваат дека густо групирани згради и шатори во комплексот со големина на фудбалско игралиште се тешко оштетени.
„Њујорк тајмс“ и претходно извести дека во деновите на викендот се оштетени и дополнителни американски воени објекти во Дубаи, во Ирак и во Кувајт. Новите сателитски снимки покажуваат оштетувања и во воздухопловната база Мувафак Салти во Јордан.