Пароли и извици – Правда за Фросина граѓаните денеска излегоа на третиот марш во Скопје. Побараа одговорност од надлежните и казни за прекршителите.
Семејството на Фросина Кулакова и овој пат го предводеше протестиниот марш. Бараат од судските власти правда за сите жртви во сообраќајните несреќи.
На маршот поддршка дадоа и други семејства кои загубиле свои блиски за кои со години чекаат пресуди. Сплотени, со фотографиите на нивните деца река дека некои пресуди се донесе без нивно присуство, а некои од телевизија дознале дека нивниот случај бил веќе застарен.
Маршот започна од булеварот Партизански одреди, беше донесено свежи цвеќе и венец на местото каде беше прегразена Фросина.
Поворката од стотина луѓе продолжи до Владата преку Собранието и крајната цел- Апелациониот суд. Граѓаните ги вклучија светлата од нивните мобилни телефони, за како што рекоа, да ги осветлат заслепените институции.
Фросина Кулакова беше смртно прегазена на 29-ти јануари пред полноќ на пешачкиот премин на Партизанска додека Васил Јованов возел со голема брзина под дејство на алкохол, поминал на црвено и немал сообраќајна дозвола.
Симона Петровска