Со став за смртта на двете новороденчиња-близначиња се огласија од прилепската болница. Од таму во детали го опишуваат случајот. Мајката која е родена во 2001 година се породила кај нив во својата четврта бременост во која ги донела блицнаците. Додаваат дека станува збор за предвремено родени деца во 34-та гестациска недела.
„Првото новороденче, машко, било со родилна тежина од 1.970 грама, а второто, женско, со тежина од 1.780 грама. На 10 јануари, на барање и со потпис од мајката, децата биле пуштени дома. Потоа во текот на вчерашниот ден во 10:45 часот на одделот за детски болести е донесено женското новороденче во тешка здравствена состојба како резултат на премрзнување“, велат од прилепската болница.
Според достапните информации, велат од болницата, машкото новороденче е претходно починато дома од истата причина.
„По приемот на женското новороденче, веднаш е преземена интензивна медицинска интервенција. Извршена е реанимација, новороденчето е интубирано, поставено во топли ќебина и применети се дополнителни мерки за затоплување. И покрај сите преземени обиди од медицинскиот персонал, состојбата продолжи да се влошува. Во 13 часот е констатирана смрт“, се вели во дописот на ЈЗУ Општа болница Прилеп.
