И покрај предупредувањата на здравствените власти и експертите за штетите по здравјето на граѓаните од енормното загадување, надлежните се уште без препораки и мерки за справување со аерозагадувањето низ градовите во земјава.
Проблемите со градскиот превоз изминатиот период дополнително ја влошија состојбата бидејќи граѓаните се свртиа повеќе кон своите автомобили. Медицинските лица советуваат доколку немате вистинска потреба, не излегувајте надвор, особено хронично болните и бремените жени.
Пораките се поголем дел од времето да се поминува во затворени простории особено онаму каде што има прочистувачи на воздух. Скопје и денеска во топ 10 рекордерите по загадување. Утрово котира на осмата позиција со алармантен индекс на загадување 178.
Kонцентрацијата на штетните ПМ2,5 честички утрово изнесува 95 микрограми на метар кубен високо над горната дозволена граница утврдена од светската здравствена организација. На листата најзагадени градови во светот тој е во друштво со Индија, Пакистан, Гана, Афганистан, Ирак и е единствен европски град.
По општини утрово најзагадено е во скопската населба Лисиче, потоа следуваат Центар, Карпош, Ректорат, Ѓорче Петров, Гази Баба. Од другите градови во земјава по енормна загаденост се издвојуваат Тетово со индекс на загадување од 153, Гостивар со 124 и Куманово каде индексот на загадување изнесува 135.