Со почетокот на грејната сезона повторно се актуализира сезоната на загаден воздух. Мерните станици за квалитетот на воздухот ширум земјава синоќа покажува концентрации на штетни честички во воздухот и по неколкупати повисока од максимално дозволените.
Според податоците најзагаден воздух синоќа дишеа жителите на делови од Скопје, а во Лисиче беше измерено најголемо загадување од 197 микрограми ПМ10 честички на метар кубен како и 118 микрограми на метар кубен ПМ2,5, што е речиси петпати повеќе од максимално дозволената вредност.
Меѓу македонските градови со најзагаден воздух беа и градовите Гостивар, Кичево, Струмица, Тетово, Велес, Кавадарци. Падот на температурите, маглата која почна да се појавува во котлините и почетокот на грејната сезона најавуваат уште една зима во која Македонија ќе се „гуши“ во загаден воздух.