Маѓу загинатите во уривањето на бетонската натстрешница на железничката станица во Нови Сад и македонскиот државјанин Васко Саздовски (45). Според информациите на белградска „Политика“, Саздовски бил научник кој работел на Институтот „Биосенс“ во Нови Сад, каде се истражуваат и развиваат информациски технологии во земјоделството. Потврда на тоа дојде и од директорот на „Биосенс“, Владимир Црноевиќ.
„Саздовски работеше во Центарот за сензорски технологии. Се вработи во водечка европска институција како искусен научник. И претходно имаше научна кариера“, изјави Црноевиќ за „Политика“.
Колегите на Саздовски, како што пишува „Политика“ веднаш се собрале во „Биосенс“ по трагичната вест. Васко, како што велат, работел на новосадскиот Институт нешто повеќе од една година, а речиси секој викенд го минувал во Македонија, со сопругата и двете деца. На пат тргна и вчера претпладне, на 1 ноември.
Во Нови Сад од денеска до понеделник се денови на жалост поради трагичната смрт на 14 лица врз кои се урна масивна бетонска натстрешница на влезот на железничката станица. Тој дел од станицата, според тврдењата и на кинескиот изведувач на работите и на претставници на српската држава, не бил предмет на реконструкција на објектот.
45-годишниот Васко Саздовски е македонската жртва во несреќата во Нови Сад