Високиот претставник на ЕУ за надворешна политика и безбедност – Жозеп Борел, на маргините на Генералното собрание на ОН одржа средба со лидерите на земјите од Западен Балкан, меѓу нив и претседателката Гордана Силјановска – Давкова, на кој меѓу другото им порачал дека членството во ЕУ за нив е на дофат, соопшти Европката служба за надворешни работи.
Во соопштението се вели дека европскиот шеф на дипломатијата ја истакнал важноста на добрососедските односи постигнати преку дијалог и компромис како суштински чекори кон интеграцијата во ЕУ.
Порачал дека мора да се донесат храбри, стратешки одлуки за да се унапредат европските аспирации. Борел и лидерите на Западен Балкан разговарале и за важноста од зајакнување на отпорноста, нагласувајќи ја потребата од стратешко усогласување со ЕУ со цел да се зачува регионалната стабилност.