Обвинувањата на СДСМ за наводно коцкање со државните интереси се целосно неосновани и неточни. Новата влада за разлика од криминалната клика на СДСМ и ДУИ води одговорна и транспарентна економска политика, насочена кон подобрување на животниот стандард на сите граѓани, порачуваат од владеачката партија.
„Договорите со нашите меѓународни партнери се внимателно планирани и анализирани за да донесат долгорочни придобивки за државата. СДСМ нема право да зборува за економски прашања кога токму нивната политика доведе до финансиски колапс и задушување на економскиот развој во земјава“, се вели во реакцијата на ВМРО-ДПМНЕ.
Од таму додаваат дека токму СДСМ ја задолжило и ја ограбило државата без да остави никакви дела зад себе. Партијата посочува дека токму тие се симболот на криминалот, корупцијата и распродажбата на државните интереси.