Три македонски државјанки на возраст од 48, 60 и 66 години вчера попладне биле спасени од давење на плажата Голем кај Каваја, на албанското крајбрежје.
Според полицијата, веднаш им била укажана прва помош од присутните туристи на плажата, крајбрежната стража и полициските службеници од Каваја кои биле дежурни на крајбрежјето.
„Трите жени итно се пренесени во Регионалната болница во Драч за укажување лекарска помош. Жената на 48-годишна возраст е надвор од животна опасност, додека во потешка состојба се другите две, на 66 и 60-годишна возраст“, стои во соопштението.
На албанското крајбрежје годишно летуваат, во просек од 250 до 300 илјади македонски државјани. Ова лето се очекува бројот да биде многу поголем.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.