Четири лица се приведени во вчерашната полициска акција на шест локации во Скопје, соопшти претпладнево Министерството за внатрешни работи (МВР). Од слобода се лишени И.А. (31), Н.А. (20), А.Р. (27) и Б.Ш. (40), сите од Скопје, а за Г.Б. и Б.З. е распишана национална потерница. Сите се осомничени за кривични дела „убиство“ и „предизвикување општа опасност“.
„При претресите на нивните домови биле пронајдени и одземени пиштол и рамка со 14 куршуми, пиштол „Астра“ калибар 6,35 мм. и рамка со пет куршуми, пиштол „Смит и Весон“ калибар 9 мм. и 2 рамки со 32 куршуми, пиштол „глок“ калибар 9 мм. и рамка со 17 куршуми, дрон со мемориска картичка и контролор за летање и други предмети поврзани со кривични дела“, соопшти портпаролот на МВР, Сузана Прањиќ Талевска.
