Во пожар во трговски центар во близина на главниот град на Иран загинаа осум лица, а 36 се повредени, соопшти државната телевизија во среда.
Пожарот започна во вторник во трговскиот центар Аргаван во градот Андишех во покраината Техеран.
Не е јасно што го предизвикало пожарот, а државната телевизија IRIB соопшти дека властите истражуваат.
Пожарникари се уште се борат со пламените јазици додека од повеќекатната зграда се издигаат големи облаци црн чад.
Нема индикации дека пожарот е поврзан со војната, каде што околу три недели трае нестабилно примирје со Соединетите Американски Држави.
Б.С.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.