Авиобилетите најмногу ќе влијаат на априлската инфлација, смета премиерот Мицкоски. Анализите кои ги добил од пазарните инспектори покажале дека кај храната за еден месец поскапувањето е помало од 1 отсто. Додека најголем скок на цените се забележува кај транспортните услуги, односно во авиосообраќајот од каде се очекува да дојде најголемиот притисок. Мицкоски се надева на стабилизација во следниот период. Но, ако пак дојде до ситуација да треба да се интервенира со мерки против ценовниот шок, во тој случај ќе се оди со намалување на ДДВ то кај храната, нагласувајќи дека нема многу простор за интервенција.
-Бројките кои што ги добиваме за цените а храната април со март се негде под 1 процент, зголемени. Најмногу се зголемени транспортните услуги тука се мисли на ниско буџетските авиопревозници, картите. И секако тие ќе влијаат на инфлацијата која очекувам да излезе деновиве, изјави премиерот Христијан Мицковски
Податокот за стапката на инфлација статистика треба да го објави утре. Вчера и од Народната банка, соопштија дека ако расте ќе ја затегнат монетарната политика, преку зголемување на основната каматна стапка, од која зависат каматите и на кредитите и на депозитите.
Мицкоски уверува и дека до крајот на годината нема да има вонредна корекција кај цената на струјата и покрај тоа што лани ЕСМ произвеле најмалку електрична енергија во последните 10 години.
Иако, цената на нафтата на берзите и натаму дивее, за сега како мерка останува само намалената акциза. Најави дека ќе се спушти и ДДВ то за дизелот нема и покрај тоа што неговата цена се држи над 90 денари за литар.
Ирена Чачкова