Американскиот претседател Доналд Трамп, во кратка објава на „Трут Сошл, напиша дека на Иран му порачал оти е предоцна за преговори.
„Нивната противвоздушна одбрана, воздухопловство, морнарица и лидери исчезнаа. Сакаатда разговараат, им рекол дека е предоцна“, напиша Трамп на „Трут Сошл“.
Американсо-израелски воздушни напади врз ирански воени и безбедносни цели започнаа во саботата. Иранските државни медиуми потврдија дека во нападите загина ајатолахот Али Хамнеи.
Иран одговори со бранови воздушни напади со проектили и дронови врз американски бази и енергетска инфраструктура во државите во Персискиот залив. Притоа се погодени цели во Саудиска Арабија, Обединетите Арапски Емирати и во Катар, а иранската Револуционерна гарда соопштои дека е затворен Ормутскиот теснец.
Вашингтон порача дека цел на операцијата е уништување на иранските ракетни капацитети и спречување на Техеран да развие нуклеарно оружје. Иранските власти, пак, ги обвинуваат САД и Израел за дестабилизација на регионот.
Засега нема сигнали за деескалација на нападите и тензиите на Блискиот Исток.