Битолчанка на 70-годишна возраст ид Битола пријавила во полиција дека била жртва на измама во која загубила 20.000 евра.
Инцидентот се случил на трети декември 2025 година, околу 10:19 часот, кога непознато лице телефонски ѝ соопштило дека нејзината ќерка наводно паднала по скали и ги скршила вилицата и ногата, поради што наводно требало итно да ѝ бидат вградени „златни шипки“.
Исплашена од информацијата, жената ги оставила парите на претходно договорено место. Подоцна, кога стапила во контакт со својата ќерка, сфатила дека станува збор за класична телефонска измама.
Случајот е пријавен во СВР Битола, од каде што информираат дека се преземаат мерки за негово целосно расчистување и идентификација на сторителот.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.