Лондонските најпознати трговски улици Оксфорд стрит, Бонд стрит и Риџент стрит, повторно светнаа во празнично руво, привлекувајќи илјадници купувачи и туристи.
Селфриџ годинава постави огромен Дизни замок, со излози посветени на класици како „101 далматинец“, „Фантазија“, „Снежана“ и „Алиса во земјата на чудата“.
На Бонд стрит, најексклузивните брендови како Картие, Тифани, Луи Витон и Диор ги изложија своите празнични декорации, додека кај Ралф Лаурен повторно се издига новогодишна елка.
Со помалку од еден месец до Божиќ, лондонските продавници влегуваат во најдинамичниот дел од сезоната, надевајќи се дека впечатливите излози ќе привлечат уште повеќе посетители и ќе донесат силна празнична заработка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.