Британскиот премиер Кир Стармер го осуди терористичкиот напад врз синагога во Манчестер, при што загинаа две лица, а четворица беа тешко повредени на најсветиот еврејски празник — Јом Кипур.
Напаѓачот удрил со автомобил во верници пред синагогата, по што започнал да ги напаѓа со нож.
Нападот е прогласен за терористички акт од страна на британските власти. Напаѓачот, 35-годишен британски државјанин со сириско потекло, бил убиен од полицијата откако се посомневале дека носи експлозив.
Според полицијата, тој не бил на списокот на лица под надзор за ризик од радикализација.
Дополнително, три други лица се уапсени под сомнение за поврзаност со тероризам.
Премиерот Стармер најави зголемени безбедносни мерки за еврејските заедници во Британија и повика на национално единство против растечкиот антисемитизам.
Тој истакна дека Велика Британија ќе покаже „сочувство, достоинство и љубов“, и најави поголемо полициско присуство пред синагогите и еврејските објекти.
(фото)Двајца убиени, тројца во сериозна состојба- напад на синагога во Манчестер на најсветиот ден