Kилометарски колони од возила се формираа вечерва на автопатот Тетово-Скопје. Големиот застој е предизвикан од сообраќајна несреќа која се случила во непосредна близина на првата наплатна станица на влезот кон Скопје.
Како што информираат од МВР за Телма, околу 19:30 часот на автопатот Тетово-Скопје се случила сообраќајна несреќа помеѓу товарно возило “фолксваген кеди”, со скопски регистарски ознаки, управувано од А.И. и патничко возило “голф” со охридски регистарски ознаки, управувано од Л.А..
Од несреќата со повреди се здобиле А.И., Л.А., како и тројца сопатници од возилото “голф”, констатирани во Комплекс клиники “Мајка Тереза” и ГОБ “8 Септември”. Во тек е увид.
Сообраќајот се одвива под исклучително тешки услови и со големо задоцнување. Возило на Итната медицинска помош е притигнато на местото на несреќата.
