Украинскиот претседател Володимир Зеленски изјави дека Украина и други земји ѝ понудиле на Русија преговори на ниво на лидери, па дури и во Казахстан, објави „Фокс њус“.
Во интервју за „Фокс њуз“, претседателот на Украина изјави дека е подготвен да се сретне со лидерот на Кремљ, Владимир Путин, каде било – но не во Москва, како што претходно предложи претседателот на Русија.
„И тимот на Трамп, мојот тим, Европејците, вклучувајќи го Макрон и другите лидери, и претседателот на Турција, сите понудивме да се сретнеме во Турција, Саудиска Арабија, Катар, во Европа, во неутрални држави како Австрија или Швајцарија. Рековме: „Дури и ако сакате некаде како Казахстан. Ние сме подготвени“, рече Зеленски.
Украинскиот претседател претходно изјави дека американскиот претседател Доналд Трамп сега му верува повеќе отколку на Путин, што се случи откако Трамп изјави дека рускиот лидер „го изневери“.
