Рускиот претседател Владимир Путин денеска се приклучи преку видеоврска на вонредниот онлајн самит на БРИКС, свикан од Бразил, на кој главна тема беа трговските тарифи на американскиот претседател Доналд Трамп.
Според соопштението на Кремљ, лидерите на земјите-членки на БРИКС разговарале за зајакнување на соработката во трговијата, економијата, финансиите, инвестициите и други области, имајќи ја предвид актуелната состојба во глобалната економија.
Тарифите што ги воведе Трамп предизвикаа потреси на светските пазари, ги нарушија односите со трговските партнери и сојузници на САД, и ги зголемија стравувањата од раст на цените и економско забавување.
Трамп пак тврди дека без овие мерки, САД би се нашле „на работ на економска катастрофа“.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.