Многу нови случаи за корупција од поранешни функционери на ДУИ најави премиерот, во одговор на прашање за најновиот повик на интегративците за предвремени избори.Обидите за повторно изборно соочување, но и случувањата околу одлуката на Уставниот суд за Законот за употреба на јазиците, за него се само обид да се сврти вниманието на јавноста кон други теми.
Мицкоски го повтори ставот дека, предвремени избори ќе има само доколку изгубат на локалните избори догодина. Но, доколку победат, очекува ДУИ да ја напушти оваа реторика и да се посвети на внатрешни реформи. Од оваа партија, пак, се упорни во обидите да ја сменат политичката реалност.
ДУИ продолжуваат и со заканите за нарушување на безбедноста. Од синоќешниот партиски собир во Гостивар, Ахмети повторно испрати порака дека со отворањето на прашањето за Законот за употреба на јазиците, ќе се загрозат мирот и стабилноста на државата.
Далиборка Демјанска
