Скопје утрово се буди како еден од најзагадените градови во светот. Според концентрацијата на ПМ2,5 и ПМ10 честичките во воздухот, главниот град утрово е позициониран на четвртата позиција на листата најзагаени град. Пред нас се Лахор, Пакистан, Делхи, Индија и Ханој, Виетнам, покажуваат податоците на платформата Ај-кју-ер.
На оваа платформа, утрово воздухот во Скопје е означен во категоријата „нездрав“… Концентрацијата на ПМ2,5 честичките е 74,2 милиграми на еден кубен метар воздух, а на ПМ10 честичките е 85,5. Ова покажува концентрација на ПМ2,5 честичките поголема за 14,8 пати од годишната вредност на упатството за квалитетот на воздухот на Светската здравствена организација.
Од градовите во регионот, најблиску до Скопје е Сараево на шестата позиција. И според податоците од мерните станици на Министерството за животна средина, синоќа на полноќ во сите скопски општини загаденоста на воздухот со ПМ10 честичките е над дозволената концентрација од 50 милиграми на еден кубен метар воздух. Според овие мерни станици загаден е воздухот и во Тетово, Гостивар, Кичево, Битола, Струмица, Кавадарци и Куманово.