Две лица загинаа во тешка сообраќајна несреќа на патот Гостивар – Кичево

Две лица починаа во тешката сообраќајната несреќа што се случи ноќеска на магистралниот пат Гостивар – Кичево.

„Во судар на патничко возило со гостиварски ознаки и камион со странски таблички, едно лице починало на самото место, а другото во гостиварската болница“, изјави портпаролот на СВР Тетово, Фатмир Реџепи.

Според првичните информации, несреќата се случила на три километри на влезот пред Гостивар во близина на неколку угостителски објекти. Поради сообраќајната несреќа на магистралниот пат Гостивар – Кичево, сообраќајот беше во целосен прекин.