Афрона Верзиволи е разрешена од вршител на должноста главна резизорка за инструментот за претпристапна помош. Одлуката ја донесе владата, а на нејзино место е именуван Арбен Рамадани. Од владата соопштија дека тој е самостоен ревизор во секторот за унапредување на ревизијата. Работел и како виш ревизор во секторот за ревизија на ИПА областа.
Афрона Верзиволи, која нема ревизорско искуство, ниту соодветни ревизорски сертификати, е разрешена под притисок на јавноста. Како што објави Телма, таа е економист и работела во банка, а како главна ревизорка која ќе го контролира трошењето на европските пари беше именувана по предлог на „Вреди“.
Но, „Вреди“ не се откажува од својот предлог, па ќе чекаат таа да добие соодветен сертификат. За назначувањето и делегацијата на Европската Унија во Скопје рече дека ќе го следи посебно, а Антикорупциската комисија отвори предмет по анонимна пријава.