Миовски е баран од цела Европа: Абердин се обидува да го задржи по секоја цена

Македонскиот фудбалски репрезентативец Бојан Миовски има одлична полусезона во дресот на Абердин за кој постигна 14 голови во сите конкуренции.

Шкотскиот тим ќе има сериозни проблеми да го задржи голгетерот во своите редови, бидејќи за Македонецот најголем интерес има од Селтик. Понуди за Миовски има и од Италија од Лацио и Болоња, потоа француски Ремс, како и од англиски Саутемптон.

Неговиот соиграч Лејтон Кларксон јавно побара од челниците на Абердин да го задржат во своите редови. Менаџерот Бери Робсон пред извесно време потврди дека клубот ќе отвори преговори со Миовски за нов договор, а актуелниот му истекува во летото 2026 година.