Пленарната седница за Предлогот за менување на Уставот почнува на 18-ти август. Ќе трае најмногу 10 работни дена, но гласањето не е поврзано со последниот ден од расправата, изјави претседателот на Собранието Талат Џафери по редовниот брифинг со новинарите.
Објаснува дека Собранието одлучува „доколку го има потребното мнозинство за одлучување“, што значи дека може да биде и во некој друг подоцнежен термин, без оглед на расправата.
Парламентарното мнозинство остава простор во наредните недели да се обезбеди дво-третинско мнзоинство потребно за отварање на Уставот, иако ВМРО-ДПМНЕ секој ден повторува дека нема да дозволи „уставни измени под бугарски диктат“.