Коалицијата СДСМ-ДУИ не е загрозена поради рудникот Иловица, смета министерката за труд и социјална политика Јованка Тренчевска. Таа вели дека Владата има консензус околу генералните политики и важноста на земјоделството за државата. Потврди дека на утрешната владина седница ќе се преиспитува одлуката за спојувањена концесиите за рудникот, и го повтори ставот дека се против отворање на рудници.
И министерот за земјоделство, Љупчо Николовски, вели дека го дели ставот на мнозинството граѓани. Тој дури на новинарите се обидуваше да им објасни дека ниту една одлука што се однесува на рудникот кај Иловица не е поврзана со министерството за земјоделство.
Во меѓувреме, за политичките партии најважное прашањето кој ја долелил концесијата за рудникот кај Иловица. Во саботата пред протестот на активистите во Струмица, министерката Тренчевска ги повика на одоговорност ВМРО-ДПМНЕ, но од партијата денеска ја префрлаат топката кај СДСм и ДУИ. Нивната влада во 2006 велат од ВМРО-ДПМНе ја потпишала прватa концесија за рудникот.
Утре министерот за економија ќе мора да им образложи на колегите во Владата зошто точката за спојување на двете концесии е ставена како дополнителна и воопшто е изгласана, кога управниот суд не донел таква одлука. Според ИРЛ тој ги измамил колегите презентирајќи дека спојувањето на концесиите е на барање на Управниот суд.
Сузана Мицева