Откако со денови толкуваа кој што кажал по лидерската средба, сега се препукуваат за тоа, кој ќе биде разочаран, а кој демотивиран ако не се прифатат предлозите на другиот. Дебатата за уставните измени продолжува, но преку медиумите.
Опозицијата, пак, бара да се прифати еден од нивните предлози, со што велат дека, на бугарската страна ќе и` се земе од раце алатката за уцени и ќе ја мотивираат да ја забрза нашата евроинтеграција.
Од оваа партија тврдат дека, одложената примена на уставните измени, не е кршење на преговарачката рамка. Но, Од Алијанса за Албанците не се согласуваат со оваа констатација.
Таравари смета дека, размената меѓу двете најголеми македонски партии со понуди и контрапонуди за гласање на уставните промени, директно влијае и на интересот на Албанците. До крајот на неделата ќе одржат состанок на раководството, по што ќе излезат со усогласен став во партиските органи за новонастанатата ситуација.
Далиборка Демјанска Цветановска