На Обединување на народот и национално единство повика претседателот на ВМРО ДПМНЕ од одбележувањето на празникот Св Кирил и Методиј во Охрид. Обединувањето според него е потребно за да не бидеме уценувани повеќе од никој друг а власта до сега ги одбивала сите негови повици за национално единство за важните теми за Македонците, рече Мицкоски
„И сакам да порачам нема лева или десна, постои само една Македонија! Не постои понуда за брод на кој мораме да се качиме за ЕУ, во делови или целосно. Постои работа, труд, реформи и принципи кои мораме да ги направиме за да влеземе во ЕУ, необезличени и со достоинство. Не постои европски фронт за Македонија или проруска Македонија, постои само Македонија со иднина кои сами ја градиме, со европска перспектива кои сами мораме да ја оствариме“ – порача Мицкоски.
Светите браќа Кирил и Методиј треба да ги слави цивилизираниот свет на кој му подарија слово, букви, писменост смета Мицкоски, но не се согласува со како што вели ирационалната политика на Бугарија која негира секаква наша поврзаност со овие свети браќа
„И во тие нивни негаторски политики не само што нема никаква историска поткрепа, туку се повеќе станува очигледно дека нема темел на кој се потпира оваа Македонија и народ кој не сакаат силно да го затресат… И тука она што признавам дека не ме остава рамнодушен е тоа што нашите првенци од власта остануваа молчаливи во однос на многу отровни стрели и пропагандни пораки на источниот сосед“ –додаде Мицкоски.
Од црквата Света Софија, Мицкоски и со поддршка за МПЦ-ОА да не го менува Уставот без разлика на уцените.
Елена Ивановска Мукоска