Рускиот претседател Владимир Путин денеска им честиташе на приватната воена компанија „Вагнер“ и на редовната руска армија за заземање на градот Бахмут во источна Украина.
Во изјавата објавена на веб-страницата на Кремљ, Путин рече дека битката за Бахмут завршила со победа на Русија и дека сите кои се истакнале за време на борбите ќе добијат државни награди.
„Шефот на државата им честиташе на групите на „Вагнер“, како и на војниците од единиците на руските вооружени сили, кои им ја дадоа потребната поддршка, за завршувањето на операцијата за ослободување на Артјомовск“, се вели во соопштението.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.