Лавина реакции на социјалните мрежи предизвика Велигденското послание на Владиката Петар во кое тој жестоко го нападна феминизмот, а за родовата еднаквост рече дека е изопачена и отровна идеологија. За оваа негова скандалзона изјава, јавноста бара реакција и од Синодот на МПЦ-ОА, но и од Владата.
Ако некој се уште мисли дека Црквата треба да има место во современто демократско општество и дека нејзините ставови треба да бидат релевантни во носењето политки, нека го гледа Владиката Петар како зборува за родовата еднаквост како изопачена, бидејќи без неа жените си биле мајки и домаќинки, беше смо еден од коментарите на неговата изјава.
Во своето видео обраќање, кое го подготвувал како одгвор на еден транспарент со вулгарна порака за Црквата што се појави на 8 мартовскиот марш пред повеќе од еден месец, Владиката Петар вели дека пред појавата на феминизмот жените биле домаќинки, а сега се еманципирани, но, се почесто разведени.
Во минатите векови, до феминизмот и еманципацијата на жената, таа била сопруга, мајка и домаќинка, а денес, таа е високо еманципирана со забележителни позиции во општеството, но, често и разведена и самохрана мајка. Кога некој бара повеќе или поголеми права, треба да е свесен, подготвен и способен да извршува повеќе и поголеми должности, рече г. Петар.
Остварувањето на права без должности, го расипува и изопачува светот, кој ја губи својата рамнотежа и хармонија, рече владиката Петар и со црковен повик го најави најважниот момент од обраќањето, посочувајќи ја опасноста од родовата еднаквост.
Но, да внимаваме! Вонмем! На нашето општество молскавично ѝ се заканува уште поопасна, попогубна и поотровна идеологија – родовата еднаквост! Оваа идеологија, односно манипулативна терминологија е богохулна, противприродна, изопачена; Господ ги создаде машко и женско, и сè друго изменето, поинакво и поразлично од Божјото создание е ненормално, а со тоа и неприфатливо, рече г. Петар.
Владиката Петар инаку е сопственик и управител на новата телевизја Вистел која треба да почне со работа од 1 мај. АВМУ во фервуари му додели 9 годишна концесија за телевизија од претежно забавен општ формат која ќе зрачи во Скопје и неколку скопски општини.
Емилија Мисирлиевска