Викендов двајца тренери во Шпанскиот фудбалски шампионат добија отказ. По поразот во малото каталонско дерби од Џирона, Еспањол ја прекина соработката со Диего Мартинез, а по дебаклот од Реал Мадрид, Валјадолид реши да му врачи отказ на тренерот Хозе Рохо Мартин Пачета.
Еспањол по водство на Диего Мартинез има четири порази во низа, а по последниот од Џирона тимот од Барселона се најде во зоната за преселба во понизок ранг и има идентичен број на бодови со Алмериј и Валенсија.
Мартинез на тренерската функција беше именуван во мај минатата година и на чело на екипата беше на 31 натпревар во кои забележа само девет победи во сите конкуренции.
Поразот од 6:0 на гостувањето против Реал Мадрид беше фатално за предводникот на Валјадолид, Хозе Рохо Мартин. Повратникот во Ла Лига до крајот на сезоната ќе води грчевита битка за опстанок во елитата, а во клучната фаза од сезоната тимот под негово водство имаше низа од три натпревари без победа.
Пачета на клупата на Валјадолид седеше на 75 натпревари, а во досегашниот тек од Ла Лига има само осум победи.
ФОТО: Игор Паневски