Поранешниот селектор на Хрватска, Славен Билиќ е најсериозен кандидат за преземање на репрезентацијата на Украина која е нашиот следен противник во квалификациите за Европското првенство.
Билиќ во моментов е без ангажман откако минатиот месец доби отказ во Вотфорд, а според некои информации тој е во завршна фаза од преговорите за потпис на договор со Фудбалската асоцијација на Украина.
На чело на националниот тим во моментов се Руслан Ротан, кој има статус на привремено решение откако по мечевите во Лигата на нации, челниците на асоцијацијата решија да ја прекинат соработката со Олександар Петраков.
Билиќ покрај ангажманот на селекторската позиција во Хрватска работел и како тренер на Хајдук, Локомотив Москва, Бешикташ, Вест Хем, Ал Итихад, Вест Бромвич Албион и Пекинг.
ФОТО: Игор Паневски