Далас доживеа уште една сопка во битката за место меѓу најдобрите 10 тимови во Западната конференција, бидејќи загуби на гости кај Мајами со 129-122. Џими Батлер со 35 поени и 12 асистенции ги предводеше Хит, додека кај Маверикс, Лука Дончиќ стандардно беше најдобар со 42 поени, 10 скока и 8 асистенции. Далас сега падна на 11.место на табелата, а до крајот на регуларниот дел од сезоната има уште четири натпревари.
На вториот натпревар одигран утринава, Њу Орлеанс со 122-114 го победи Лос Анџелес клиперс. Брендон Инграм беше најдобар во редовите на Пеликанс со 36 поени, додека Јонас Валанчиунас имаше 23 поени и 12 скока. Кај Клиперс, Каваи Ленар реализираше 40 поени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.