Денеска се играат четири натпревари од 20-тото коло во домашниот кошаркарски шампионат.
ТФТ на домашен терен ја пречекува последнопласираната Струмица и е фаворит за освојување на нови бодови, но и за продолжување на победничката серија во битката за освојување на третото место на табелата. Дуелот со игра во салата на СРЦ Кале и почнува во 13 часот.
За 17 часот во истата сала закажан е почетокот на мечот меѓу Работнички и Чаир. Домаќинот исто така се надева на победа со која останува во трката за освојување на петтото место, а воедно посакува и да стигне до четвртиот триумф во низа.
Дуелот меѓу Гостивар и Еуро Никел почнува во 19 и 30, а час подоцна во Битола во дербито на оваа рунда Пелистер го пречекува Феникс.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.