Дисциплинската комисија на УЕФА за нередите што ги предизвикаа навивачите на Ајнтрахт Франкфурт низ улиците на Неапол пред реваншот од осмина финалето во Лигата на шампионите, но и за инцидентите за време на првиот дуел на германскиот клуб му изрече казна од 70.000 евра.
Дополнително УЕФА реши делумно да затвори дел од трибините на стадионот во Франкфурт и тоа на местата каде се наоѓаат најверните навивачи.
Покрај Ајнтрахт казнет е и Нант кој за користење на пиротехника и влегување на теренот на реванш мечот со Јувентус во Лига Европа ќе мора да плати 66.000 евра.
Францускиот клуб исто така е казнет и со затворање на дел од трибините за следниот дуел во европските клупски натпреварувања.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.