Поранешниот селектор на репрезентацијата на Шпанија, Луис Енрике во моментов е без ангажман, но се чини дека веќе од ова лето тој ќе има нов клуб.
За некогашниот предводник на Барселона има голем интерес, а на долгата листа клубови кои би сакале да го видат на својата клупа се наоѓаат познати имиња од Англија и Италија.
Во еден момент како најверојатна опција се споменуваше Тотенхем, но постоеше и варијанта дека тој може да го преземе Манчестер Сити под услов на крајот од сезоната Жозеп Гвардиола да се повлече од функцијата.
Последен на листата клубови од Премиер лигата е Челзи, кој во последно време интензивно е во потрага по наследник на Грем Потер.
Интерес за Луис Енрике има и од Италија. Тој во моментов е на листата на желби на три клуба. Како најверојатни опции се споменуваат Интер и Јувентус, а можноста да ја преземе Рома пропадна откако Жозе Мурињо најави дека останува на чело на екипата од италијанската престолнина.
ФОТО: Игор Паневски