Според последниот финансиски извештај за сезоната 2021/23, Челзи бележи загуба од 121,3 милиони фунти.
Во образложението основна причина за негативно салдо се вонредните трошоци и намалените приходи кои се резултат на изречените санкции кон претходниот сопственик Роман Абрамович.
Како што е познато во еден момент клубот од Стемфорд бриџ како дел од санкциите немаше право да продава влезници што влијаеше на вкупниот приход кој за минатата сезона изнесува 481,3 милиони фунти што за скоро 50 милиони повеќе во однос на претходната сезона.
Челзи бележи и зголемени комерцијални приходи кои за минатата сезона изнесуваа 177,1 милиони фунти.
Во клубот потенцираат дека и покрај сите проблеми и предизвици сезоната успешно е завршена и дека успеал да ги исполни сите услови од финансискиот фер плеј.
ФОТО: Игор Паневски