Членот на македонската ракометна репрезентација Филип Кузмановски од денеска и официјално е член на Бундеслигашот, Вецлар.
Откако успешно ги мина лекарските прегледи Кузмановски потпиша договор со Вецлар кој ќе важи до крајот на сезонава со опција да биде продолжен на уште 12 месеци.
Тренер на германскиот тим е поранешниот селектор на Хрватска, Хрвоје Хорват, а дел од стручниот штаб е и нашиот поранешен репрезентативец Филип Миркуловски.
По Магдебург и Хановер, Вецлар е третиот клуб за Кузмановски во неговата интернационална кариера.
Се очекува Кузмановски во дресот на новиот клуб да дебитира во текот на овој викенд кога Вецлар ќе се соочи со Берлин.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.